Kadrlar tayyorlash milliy dasturiga ko'ra oliy ta'limning yuqori bosqichi bo'lgan magistratura ta'limi Respublikamizda birinchi marta 1999 yilda joriy etildi.

Magistratura - bakalavriat negizida o'qish muddati kamida ikki yil bo'lgan aniq mutaxassislik bo'yicha bilim beradigan Oliy ta'lim tizimidir. (O'zbekiston Respublikasi oliy ta'limining me'yoriy hujjatlari, 9-bet). Magistratura ta'limi - O'zbekiston Respublikasi Oliy va o'rta maxsus ta'lim vazirligining 1998 yil 30 oktyabr 305 sonli buyruq bilan tasdiqlangan. "Magistratura haqida Nizom" (Oliy ta'lim me'yoriy hujjatlar to'plami, 221 -bet)

2003 yilda respublikamizda birinchi marta Samarqand Davlat universitetida Italiyaning Boloniya universiteti bilan hamkorlikda «Arxeologiya», «Tarixshunoslik, manbashunoslik va tarixiy tadqiqotlar metodlari», «Muzeyshunoslik, konservasiya va badiiy boyliklarni saqlash» mutaxassisliklari bo`yicha qo`shma magistratura tashkil etildi. Bu yo`nalishda ta’lim oluvchi magistrantlarga ma’ruzalarni bir qismini Boloniya va Rim universitetlari olimlari o`qishmoqda. 2004 yil 6 noyabr kuni qo`shma magistraturaning yuqorida qayd etilgan mutaxassisliklari bo`yicha bitirgan ilk magistrlariga Boloniya universiteti diplomlarini universitet rektori T.Shirinov va Italiyalik olim S. Messiniyeolar tantanali ravishda topshirdilar. Hozirda magistrlarimiz Chexiya, Polsha, Angliya, AQSH, Germaniya, Koreya, Rossiya, Shvetsariya kabi rivojlangan davlatlarning nifuzli universitetlarida tahsil olishmoqda.